DI A LIBERTA

In a nostra sucietà ultraliberale muderna, a nuzione di liberta, sempre messa in davanti, hè una nuzione falsificata assai.

Libertà di chè?

Libertà d'un avè rispettu, d'un tene micca parolla, d'un esse decente, di sceglie u so genneru sessuale, di maritassi trà di ghjente di u stessu sessu, è sopra à tuttu libertà di cunsumà.

In fattu, in u sensu mudernu, libertà hè diventatu u fattu d'un esse più omu degnu d'esse chjamatu omu, à sopra à tuttu d'un esse più omu corsu.

  Oghje ci pudemu pone parechje quistione nant'à l'idea ch'è no ci femu di a libertà è di l'omu corsu in a so identita tradiziunale organica, è forse truvà risposte in a murale catolica, e ciò ch'ella ci dice di a libertà, naturale è pura in Cristu.

   Spessu in a  sucietà cuntempuranea si pò custattà l'abusu chì fattu à nome di a libertà, e vede l'avvilimente induv'ella porta. È, in un populu chì si perde a so identità à tempu di a so fede, e virtù suprane cum'è a ghjustizia è a carità, chì facianu l'esse corsu, sminuiscenu à u puntu di perde u so sensu sacru, fine à cunfondesi cun altre nuzione, è ancu u so cuntrariu.

In u sensu mudernu, libertà hè diventata licenza, abusu, dispettu, è, in fattu, sottumissione à tutte e mode, a u tempu attuale chì move sempre, à u cunsumerisimu è u sollu, è tuttu u spiritu vulatile, rilativistu è disgraziatu di u liberalisimu.

                                        E quessa a vostra liberta?

 A libertà naturale, santa è sacra, un hè chè sottumissione à Diu, vale à dì u fattu d'accettà u bè ch'ellu ci face è ancu d'apittassi a dignita ch'ellu c'impone. Ùn hè micca un dirittu à nasce, a vera libertà, ma u risultatu d'una mossa spirituale è murale, un scopu, u statu spirituale d'un esse individuale o culettivu, chì ci vole a culpisce ; in fattu u stremu cuntrariu di a libertà attuale, ultima sfida di u liberalisimu sradicatu in faccia a Diu.

  A nostra libertà si scrive ind'è un ordine naturale s'ell'ùn si perdenu i nostri valori suprani, è puru di più, valori sopranaturali è suprani à quellu ordine, eredi di a nostra cristianità accupiata à a nostra identità. L'omu corsu liberu un pò campà ind'una sucietà ch'ùn rispetta micca i valori chì li sò cari, l'esse nustrale ùn pò chè sfidà l'inversione di principii eterni. St'epuca hè a stessa induve si po vede u liberalisimu suciale, economicu è filosoficu, (chi patrunizeghja u spiritu nobile cristianu), l'ecunumia avè a suprana nant'à u puliticu, è induve un statu laicu è republicanu inghjulia a chjesa di u Signore è cun'ella a vera fede chì facia a nostra vera libertà. Sta libertà di sceglie cù anima e ragiò, sta libertà chì ci porta à fà ciò chì hè bè è ghjustu. Hè quessa a grazia ch'ellu ci'ha fattu u Patre, è chì si ritrova in u sacrifiziu di u so figliolu Ghjesu Cristu, sta vittoria nant'à u mondu è u male, missaghju umescu chì ci hè contu in i Vangeli, l'arma a più sicura contru à asottumissione di a nostra terra e di u nostru populu.

Si pò compie cù isse parolle di u Papa Leon XIII in "Libertas Praestantissimum":

 "Quand on est sous le coup ou sous la menace d'une domination qui tient la société sous la pression d'une violence injuste, ou prive l'Eglise de sa liberté légitime, il est permis de chercher une autre organisation politique, sous laquelle il soit possible d'agir avec liberté. Alors, en effet, ce que l'on revendique, ce n'est pas cette liberté sans mesure et sans règle, mais c'est un certain allègement en vue du salut de tous, et ce que l'on cherche uniquement, c'est d'arriver à ce que, là où toute licence est donnée au mal, le pouvoir de faire le bien ne soit pas entamé."

"...quand il pèche, il (l'homme) agit contre la raison, et alors c'est comme s'il était mis en mouvement par un autre et qu'il fut retenu sous une domination étrangère: c'est pour cela que celui qui commet le péché est esclave du péché"

 Ùn ci si pò esse libertà in a nostra Santa terra di Corsica sì quelli chì a credenu piglià facenu cum'è l'oppressore.

I CRISTIANI CORSI.